SUN角度：手袋翻內櫳驗真假
雖然冒牌手袋仿真度高，單憑外表難分真偽，但「名人站」海防道分店經理劉小姐則指出，可從手袋內櫳車線、壓印日期等記號，以及皮革質地，分出真偽。
多數壓印編號
「即使我哋驗證，都一定要翻轉個袋裏面睇清楚!」劉強調，縱使冒牌手袋的仿真度愈來愈高，但很多冒牌手袋內裏嘅手工技術，質素同正版手袋仍然相差好遠，好似車線咁，正版會車得好實，好整齊，冒牌貨會有高低針，甚至大細針。另外，正版貨嘅車口位置，唔會有裂縫，但冒牌貨就經常有裂縫。」
她又表示，在大部分名牌手袋的內袋底層，都壓印了編號及日期。她說﹕「LV手袋會壓上兩個英文字及四個數字，至於Hermes，就會印上代表年份嘅英文字以及二至三個圖案、英文或數字，作為記認。」
正版LV手袋的內袋底層，刻有編號。(資料圖片)
