暑假檔期中，舞台劇演員焦媛有成十四場音樂劇上演，近排佢都忙於四圍去宣傳，並要綵排等工作，喺今次演出當中，焦媛會獻唱四十首流行金曲，其中包括《約定》等，所以佢嘅綵排工作亦唔少得練聲。
唱埋咁多情歌，音樂劇又同新娘有關，咁焦媛自己又幾時想做高志森導演嘅新娘呢？焦媛話：「想儲多啲錢先結婚。不過，唔知去邊度蜜月好，因為好怕曬黑，所以唔會去馬爾代夫嗰啲。」佢仲話，高志森父母都冇催婚同埋催佢哋早啲生BB，一切隨緣啦。
焦媛忙於暑假嘅音樂劇，未諗幾時結婚。
