政情：葉澍堃減肥戒飲名酒
身體質量指數（BMI）係健康同身形健美嘅參考指標，馬會大董葉澍堃（Stephen）都有減十磅嘅目標，希望減至一百五十五磅，為咗健康身體，佢連幾十萬元嘅名酒都唔可以沾唇。
Stephen早前同佢嘅家庭醫生、馬會大董李國棟一齊出席小母牛慈善晚宴，講起減肥，原來李醫生忠告Stephen必須減十磅，咁樣BMI就會fit啲。不過，Stephen笑笑口對住唔使忍口嘅李醫生話︰「叫我減肥，佢仲重過我啦！」畀老友揶揄嘅李醫生四両撥千斤咁話︰「葉生一向fit開，要繼續keep住，我不嬲都唔fit，所以唔使減。」
其實Stephen嚟緊會去貴州探農民，之後又要陪老婆去東歐旅行，行程咁緊湊，或者會自然減磅呢！
葉澍堃（左）同李國棟老友鬼鬼，互窒講笑都唔怕對方嬲。