中大政治與行政學系副教授馬嶽表示，西方民主國家的領導人即使行將卸任，由於仍需為所屬政黨爭取執政權，故卸任前的一、兩年定必推出大量利民政策，奈何曾蔭權沒此壓力，亦自覺無此需要，故相信他在十月施政報告後便會全面退隱，等收工到七月一日卸任：「即使真係由政務司司長唐英年競逐下任特首，但係曾蔭權都未必覺得同自己有關，咁佢自然唔會有咁多新措施推出。」
城大專業進修學院學術統籌宋立功分析，國務院港澳辦主任王光亞提早高調列明下任特首條件，意味特首選舉其實已揭開戰幔，同時亦將政界的焦點轉移到下任特首或整個政府身上；加上曾蔭權表現不濟，即使信誓旦旦堅持會工作到最後一分一秒，但其表現已表明夕陽政府已存於彌留狀態，不管市民還是議員都不會再信他。
宋立功說：「餘下三百五十日政府仍然會出現很多問題，莫講話貢獻，守得住已經好好。只要唔好再累建制派，大家已好感激，中央亦好感激，所以今日大家表現提早講拜拜亦唔出奇。」
梁國雄衝向曾蔭權，怒掟道具「狗骨頭」。
黎同學（小五）
「我一個人嚟咋，爸爸媽媽都知我嚟呢度，爸爸同我一齊整咗個示威牌，你睇，曾班子胡作非為，呢個牌我實係明o架，政府實在太無能，容許地產商起埋啲發水樓，又唔起居屋，好多人根本買唔起樓。」
鎖鏈人
「我哋政府將我哋嘅自由、民主同法治等同恐怖分子鎖住，呢個政府真係好過分，呢啲係我哋人民嘅基本權利，點解要咁做？」
黎同學（中四）
「呢個政府實在太過分，推國民教育、洗腦教育，又想推替補機制，想奪取我哋嘅公民權利，唔出聲唔得。你見我背部貼咗曾蔭權同林公公嘅名，可以話係代表用身體叫佢哋趴街。」
