政情：詠藜園舵手膺女企業家
「2011年傑出專業女性及女企業家選舉」尋晚喺金鐘萬豪酒店舉行頒獎禮，六位城中英雌喜獲殊榮，得到「傑出專業女性大獎」嘅恒生銀行副董事長兼行政總裁梁高美懿獲老公同兩個囡囡打氣，另一位得獎者詠藜園董事長王小玲亦獲各方好友到賀。
選舉由香港女工商及專業人員聯會舉辦，得獎人梁太話自己有多重身份，既係銀行高層，同時又係媽咪同太太，要兼顧唔係件容易嘅事，所以佢今日有機會做恒生女大班，真係要多謝屋企人嘅支持。至於城中名人愛好嘅詠藜園，呢盤家族生意喺王小玲手上發揚光大，甚至揚威海外，佢獲得「傑出女企業家大獎」確係實至名歸。
詠藜園董事長王小玲（左）獲頒「傑出女企業家大獎」。
