政情：李彥宏楊惠妍最靚男女富豪
胡潤富豪榜係好多人了解內地富豪嘅一個重要指標，而喺內地打滾十五年嘅胡潤，對一眾富豪更係知之甚詳，問佢最靚仔富豪係邊個，胡潤即刻話係百度董事長李彥宏，「佢八年前仲靚仔呀，我哋辦公室女同事都鍾意佢」。至於最靚女，胡潤就揀咗碧桂園嘅楊惠妍。
不過，好多人都未見過楊惠妍嘅廬山真面貌，胡潤點解揀佢呢？胡潤冇詳細解釋，只係爆咗佢有個朋友想攞楊惠妍手機號碼嘅秘密出嚟，咁就明嘞。不過，楊惠妍已經結咗婚喇，依家唯一一張佢嘅相就係結婚相，想睇真啲都唔容易。
至於最有個性嘅富豪，胡潤話係萬科董事長王石；而最簡樸嘅富豪，就係娃哈哈集團老闆宗慶后。
