政情：公文袋赴美加告洋狀
政府宣布押後推行替補機制進行諮詢後，公文袋繼續狙擊，黨魁袋巾傑決定帶埋力捧嘅新星郭榮鏗去美國同加拿大，實行唱衰替補機制，希望帶起外國輿論，逼政府收回惡法。
公文袋今個月中就會去美加七日，旋風式拜訪極右組織傳統基金會、參議院同眾議院等。袋巾傑話，屆時會見到多位美國名議員，一定會當面唱衰替補機制，講明呢個機制有幾醜惡。佢話，估計政府進行假諮詢後，會將原方案再度提出，所以一定要做好抗爭嘅心理準備，再次上街。
上次袋巾傑過去美加時孤身一人，今次就帶埋執委郭榮鏗去，傳聞公文袋將力捧佢，先畀佢喺區議會熱身，效果好嘅，分分鐘參加下年嘅區議會超級議席選舉。
