救溜水渠泥車司機捲車底拖行
【本報訊】元朗發生驚險車禍。昨日傍晚六時許，姓陳司機（五十三歲）駕駛泥頭車至元政路一個露天停車場，當他泊車後準備落車時，泥頭車突然溜後，他冒險伸手拉緊手掣，但不成功，陳眼見泥頭車沿斜路溜落十米水渠時，情急跳車逃生。
車身支架勾衣服
惟陳被車身支架勾住衣服吊着，下半身捲入車底拖行，直至泥頭車跌落水渠始停下，消防員到場將陳救出送院。他肋骨斷裂，肺部出血，面部受傷，現留醫深切治療部搶救。
據悉，陳綽號「大口輝」，年輕時有錢兼靚仔，有不少女士青睞，後來錢財散盡，至今仍然單身未婚。工友更戲稱，今次他破相縫針，想「搵女仔吼」都幾難。
