SUN世代：機緣巧合 創業上癮 成日身痕

「創業係會上癮！」Anthony於○六年創辦廣告製作公司後，就如着了魔般，陸續投資於纖體美容中心、女性網站及足球推廣公司等，「當幾個創業者坐埋一齊就會身痕，會諗有咩新嘢搞，覺得有得做嘅，就一人夾一份！所以創業其實好大嘅元素係機緣巧合。」

為甚麼Anthony會涉足女性網站及足球推廣？背後的故事都源自巧合：「其實我好想擁有自己嘅媒體，而咁啱以前廣告公司有個負責化妝品牌嘅同事都有興趣，於是就一齊搞咗個女性網站，依家已經有大約七千個bloggers！」

台灣推廣足球

他又回憶說，○八年某日與朋友相聚，談起台灣人完全不懂足球，「喺香港茶餐廳是但搵個阿姐，啲足球知識都勁過當地一個睇開波嘅人！○九年台灣足球博彩合法化，加上將舉行世界盃，我哋覺得有得做，於是開咗間足球推廣公司，專接台灣報紙同電視台做分析同評論，都做得幾好呀！」