SUN世代：清債大翻身寫下投資傳奇

鍾學良（Anthony）的經歷，是投資界一個傳奇故事。當年，他因為科網股爆破，欠下高達一年薪金的巨額卡數，但他未有氣餒，反而積極面對逆境，咬緊牙關省吃儉用，還清債務後更努力學習投資技巧，誓要重新出發。憑着獨到眼光，他慢慢累積創業資本，終於在○六年起躍升為多間企業的老闆。兩年前，他更創辦投資培訓中心：「No money no dream！我希望教授學員理財投資知識，令佢哋都可以建立資本實現夢想！」

現時於投資方面有傑出表現的Anthony，原來並非出身自金融界。他大學畢業後，即投身電視台創作部，任職五年後，轉到廣告公司工作，那段日子非常艱辛：「成日做到半夜三四點，喺公司拍埋四張櫈就當床瞓，不過學到好多知識！」寶貴的工作經驗，為他將來創業之路奠下鞏固根基。　

科網股受害者 陷人生低潮

而Anthony初踏足社會時，曾因投資失利而陷入人生低潮，他憶述那黑暗時期：「大學時嘅專業係中國經濟，以為自己識，於是買咗好多紅籌國企股，點知回歸後全部由幾蚊跌到幾毫！另外，當時科網股好有前景，於是瞓身投資，結果泡沫爆破之後，欠下足足一年人工嘅卡數！」

逆境未有令Anthony灰心氣餒，反而勇於面對，矢言要大翻身！「當時好慳好慳，一出糧還完卡數畀完家用已經冇咗四分三，所有不必要嘅娛樂使費都要cut晒，賣咗架車、唔出去玩，連貴啲嘅飯都唔捨得食！呢個經歷令我以後都唔會亂使錢，理財方面成熟咗好多。」

主攻物業投資　賺第一桶金

還清債務後，Anthony認真學習投資技巧，主攻物業投資，他於○五年下旬上車，買入第一個自住單位，高峰期持有八個單位，總市值近二千萬。眼光獨到的他，不時以低價買入筍盤，待升值以高價賣出，勁賺超過四倍！

憑着出色的投資表現，Anthony累積足夠創業資本，於○六年創立自己的廣告製作公司，隨後更涉足多個領域，成為多間公司的老闆。達成創業夢的他，在○九年與數名資深投資者創辦「投資策略研究中心」，期望分享自己的知識與心得：「我認為只有學好理財投資，至有本錢去講夢想！投資物業嘅學員過往戰績都好好，希望可以幫到佢哋實現理想！」

Anthony's Profile

現　　職：投資策略研究課程總監

學　　歷：浸會大學中國研究學士