政情：銀座料理開魚彤叔撐場
三十年老字號嘅銀座日本料理鐵板燒，尋日正式重臨香港，該集團仲特登喺日本長崎縣空運咗一條八十三公斤重量級吞拿魚到港，即場主持開魚儀式，仲同大家分享。在座所見，好多三十年嘅老朋友，一家大細扶老攜幼嚟支持，仲得到身兼董事局主席嘅「彤叔」鄭裕彤親身撐場，彤叔仲睇住啲師傅開魚添！
據講，佢哋重新開業嘅過程都經歷戲劇性嘅一幕。首先佢哋花咗一年時間搜尋合適位置，當一切準備就緒，點知就撞啱百年一遇嘅日本大災難，正當大部分食肆對日本原材料草木皆兵之際，佢哋反其道而行，全線使用經精驗冇污染日本來貨，以示支持關愛日本同發揮守望相助團結精神。
銀座日本料理鐵板燒尋日重臨香港，連彤叔（中）都畀面捧場。