政情：袁莎妮過總商會懶理唐唐
原任香港總商會總裁嘅方志偉上星期突然辭職，各方關注邊個會接任呢個空缺。可靠消息話，曾任職運輸及房屋局副秘書長嘅Shirley袁莎妮將會出任做總裁。
係人都知，Shirley係政務司司長唐唐嘅愛將，原本係官場明日之星嘅佢舊年離開政府可以話都幾突然。不過大家都想當然，認為佢辭職都係為咗幫舊老闆唐唐喺特首選舉中助選，所以佢辭職後嘅大半年，都冇乜新動向。
之不過，近日全國人大常委范徐麗泰同行政會議召集人ＣＹ梁振英呢兩位疑似特首候選人愈嚟愈積極表態，反之唐唐就粒聲唔出，喺呢個咁微妙嘅時候，Shirley另有着落，睇嚟都係同唐唐劃清界線。做總商會總裁對佢嚟講係新挑戰，但以佢嘅能力又綽綽有餘，當然係明智嘅決定，反觀唐唐條條fing，等佢都無謂。
傳聞袁莎妮將會出任香港總商會做總裁。