SUN角度：樓價租金高處未算高
香港寸金尺土，近年人口不斷增加，土地供不應求，有學者及物業分析員均預測，未來一年樓巿及物業的租賃巿場仍會持續上升！
豪宅主導市場
美聯物業首席分析師劉嘉輝預測，未來一年樓價及房租都有上調空間：「今年嘅租金喺上半年升咗百分之五，雖然比過去一年升得慢，但下半年有機會升多百分之五！至於樓價，首六個月已經升咗百分之十二，重返九七年水平，但成交較慢，我估下半年樓巿會較平穩！」
理工大學建築及房地產學系教授許智文表示，隨着經濟環境轉好，未來一年的樓價及租金會繼續上揚，屆時要買樓則難上加難：「未來一年租金有可能上升幾個百分點，樓價就會繼續上升，有時上升速度仲會快過經濟增長！呢排勾出嘅全部都係起豪宅，變咗係豪宅主導巿場，直接影響樓價。」