SUN角度：商人李先生 稅務優惠輸星洲
經營電子業務的馬來西亞籍商人李先生，去年計劃在亞洲地區開設分公司，及設置廠房拓展業務，原以香港為首選地，惟經視察環境及比較政府施政後，轉軚遷址新加坡。「新加坡頭三年生意額唔超過十萬坡幣就免稅，過咗都只抽一半稅，對我哋做生意好大幫助，但港府就冇呢啲優惠。」另外，本港大部分工業北移，較難尋找生產機器及精密零件，反觀新加坡仍有發展輕工業，在尋找機械支援生產及客源方面都較容易。李先生更斷言，他日再開分公司，香港亦不作考慮之列，「或者揀上海！因為香港近年啲租貴咗好多，好似喺中環寫字樓租金動輒幾萬，新加坡就比香港平四分之一。」