政情：加讚圓圓拍拖返教會
「玩具大王」蔡志明老婆蔡李惠莉、女兒蔡加敏同老公馬鴻銘、女兒蔡加怡同阿仔蔡加讚、前晚均攜同伴侶欣賞《晨曦會福音世毒籌款音樂會》。加讚更同模特兒女友汪圓圓手拖手到場。
加讚透露早已接受洗禮，全家都信奉基督教，所以舉家嚟支持。圓圓係咪受男友感染一齊返教會？圓圓話：「我由細到大都有去church，不過未受洗。」咁係咪特登嚟捧antie場呀？佢話：「有機會都想去多啲church，但係想去講英文嘅。」加讚仲插嘴話：「等我拉多啲佢入會，星期六晚同星期日都有！」
加讚又話最近公司業務繁重，所以冇時間去旅行，要等十月先有時間休息。處於熱戀期嘅佢哋忙到冇時間見面，但坦言時刻掛念對方。但即使工作再忙，每逢紀念日都必定會抽空慶祝！
加讚同汪圓圓拖手欣賞音樂會。