金至尊珠寶打造咗「全球最重足金黃大仙聖像」，「新金王」金至尊集團主席黃英豪、兩名代言人杜宇航同陳嘉桓，尋日出席咗呢座黃大仙聖像嘅移交典禮，稍後兩個代言人仲會跟隨世界詠春聯會主席梁士秋等百人組成嘅運送團隊，全程護送聖像到西樵黃大仙仙祠。
杜宇航雖有一身武藝，亦不忘向同場多名詠春師傅虛心拜師學藝，互相交流心得，仲話：「雖然已習武多年，但仍然有好多進步空間，能夠有機會同多位專業嘅詠春師傅碰面，我當然唔能夠錯過跟佢哋學藝嘅機會！希望佢哋手下留情，全力護『航』」
黃英豪（右二）、杜宇航（左一）同陳嘉桓（右一）出席足金黃大仙聖像移交典禮。
