SUN角度：「伏冰」少女牙籤狂插眼

十五歲的May與十七歲的嘉嘉，兩人毒齡已有三年，直到被捕後才戒掉。「試過連續幾日不停伏冰，又溝K仔、漱口水，出現好多幻覺，完全控制唔到自己。」嘉嘉坦言，最恐怖一次是「伏冰」後狂拔頭髮，又用牙籤猛刺眼睛，終令角膜永久受損。

「醒番之後見到成地頭髮，好似髮型屋剪髮咁，仲要條條都連根拔起！」嘉嘉掀開左眼簾給記者看，「醫生話我左眼塊膜有個窿，以後都好唔番，好彩冇整盲隻眼。」她臉上留下不少「冰瘡」疤痕，愛美的她雖感後悔，但不諱言若非被警方拘捕，現在仍與May沉淪毒海。「其實我好驚自己會食番，當你身邊三分之二嘅朋友都食，真係冇信心會堅持到。」

香港青年協會邊青服務督導主任陳文浩指出，要徹底解決青少年吸毒問題，便要找出他們吸毒的原因，大部分青少年都是因為悶，想尋求刺激，加上受朋友、家庭和學業等問題影響，走上吸毒歧途。該會最近推出「閃亮計劃」，透過理性情緒行為治療法，配合專業臨床心理輔導，再經學校、社區醫生及外展社工等，找出區內吸毒及「高危」青少年，予以輔導。