SUN角度：青少匿家開毒P政府禁毒失敗

暑假已至，青少年吸毒問題再度引起關注。禁毒處最新數字顯示，今年首季呈報的整體吸毒人數，較去年同期下跌百分之十二點七。正當政府以為打擊吸毒措施奏效之際，前線社工卻指出，青少年吸毒情況其實並無改善，暑假更是他們初次吸毒的高峰期，而接觸的個案甚至有小學生。他們留在家中與朋友開毒品派對，因地點隱蔽而更難被發現，正是造成數字下跌「假象」的主因。

居於公屋的May（化名）年僅十五歲，樣子清純，但她三年前還是小學生時，已開始沾染毒品，「『伏冰』要用冰壺，一定要有個竇，唔可能出街食，通常都係上啲friend屋企，匿埋一齊食！」她更說：「成班friend玩埋一齊好難唔食，女仔好多時會有人請食，索茄（索K）、伏冰（吸冰毒）、飲可樂（吸可卡因）、開心水、麻古，乜都試過晒。」

她坦言學業成績欠佳，父母忙於工作，朋友之間吸毒情況很普遍，「三分二嘅朋友都有食，而且我哋食得好小心，一係上個竇，一係匿埋喺後樓梯、公廁，唔會咁易畀人發現。」但上得山多終遇虎，今年四月，她與死黨嘉嘉（化名）在公廁索Ｋ時，被警員撞破，需接受警司警誡。「我哋衰咗之後，啲friend食得仲小心，仲猛問我哋有冇篤佢哋出嚟！」

包的士速遞難發現

香港青年協會青年工作幹事文習武指出，隨着冰、可卡因及Ｋ粉興起，現已甚少人服食搖頭丸。除Ｋ粉的吸食方法較簡單外，其他毒品都需要「工具」，不能隨時隨地「開餐」，故吸食地點通常在自己或朋友家中、屋邨後樓梯等。而暑假更是青少年初次吸毒的高峰期，文說：「暑假唔使返學，多咗空閒時間，唔少青少年都會去做暑期工，識多咗人，加上又有啲錢，好容易就會促使佢哋去掂毒品。」

北區、屯門、天水圍、葵青是全港吸毒情況最嚴重的地區，區內屋邨被毒品拆家滲透，青少年要接觸毒品輕而易舉。文說：「佢哋搭朋友好易攞到，有啲拆家仲會包架的士速遞，拆家唔會落車，交貨後就繼續去第二個地點。好多青少年仲會因為負擔唔起使費，做埋拆家。」

八歲小學生也吸毒

正因為吸食地點及交易手法較以前隱密，執法人員或社工更難發現吸毒個案。文續說：「禁毒處嘅數字都係靠社工、醫院呈報，啲人食得小心咗，外界就好難發現，未必真係好似禁毒處所講，情況有咁大改善。」他接觸過年紀最細的吸毒個案只有十一歲。事實上，禁毒處去年發表的調查報告，有八歲的小學生已接觸毒品。

立法會社福界議員張國柱批評，政府對吸毒問題束手無策，「政府話關注青少年吸毒，搞校園驗毒計劃，但個計劃根本冇成效同失敗，真正吸毒嗰啲都唔會去驗！」他又指政府必須先了解青少年吸毒原因，執法部門亦要加強打擊毒品源頭，雙管齊下。

保安局禁毒處卻依然認為禁毒成效顯著，發言人表示，政府去年已向禁毒基金注資三十億元，支援反吸毒活動。而大埔區上學年進行的「校園驗毒計劃」，取得正面成績，當局亦鼓勵大埔以外地區的校園參與。另外，政府過去數年已增撥資源作戒毒康復服務，當局也加強與深圳的情報交流，採取聯合行動堵截毒品。