人仔不斷攀升，港商喺內地設廠，經營成本愈來愈貴，令老闆叫苦連天，但「造紙大王」理文造紙主席李運強就逆市加人工。其實由年頭至今，李運強已加咗幾次人工畀內地員工，加幅足以抵銷內地嘅通脹有餘。
尋日喺馬場見到佢，佢話內地柴米油鹽樣樣加，工人收入變相縮水，為免佢哋冇啖好食，一於慷慨加薪，等員工happy，返工都起勁啲。佢亦冇偏心，香港公司嘅員工亦獲加薪百分之四點五。連番加薪，佢唔敢將紙價提高，擔心流失客人，惟有慳自己荷包。