政情：吳家麗瘦身唔敢去游水
久未露面嘅吳家麗，尋日出席Sheila Beauty & Spa美容瘦身活動，佢話自己嘅贅肉多喺鬼鼠位置，所以亦有減肥嘅需要，但佢就提倡健康嘅減肥方法，佢話：「其實飲食方面都好重要，運動當然都唔可以缺少，不過我哋始終係公眾人物，有時做啲運動好似游水咁就唔係咁方便，驚會曬黑。」
依家忙緊啲乜嘢呀？吳家麗話啱啱有兩個劇本正在洽斟中，笑言依家揀戲係以「好玩」作為大前提，佢話：「好似啱啱嗰套《出軌的女人》就好好玩嘞，因為成班女人嘛！」咁最想同邊個合作呢？佢又話：「其實我哋做電影嘅，識人都好容易，依家冇乜特別去諗，總之接戲最緊要好玩啦。」
吳家麗指依家揀戲係以「好玩」作為大前提。