SUN世代：愛揸拖頭「舞龍」掟靚彎

Patrick身為駕駛學校掌舵人，猜猜他最愛的汽車是甚麼？不是法拉利，也不是林寶堅尼，答案是大型貨車！他笑說：「最鍾意揸拖頭，感覺好似舞龍咁！其實揸大貨車好有難度，當我順利轉到個靚彎或者泊到車，真係好有成功感！」

唯一見工：考督察

再猜猜Patrick的興趣是甚麼？不是飛車，而是旅行！「我唔飛車o架，咁危險！最多都係同同事遊吓電單車河，揸得好慢o架咋。自己其實最大嗜好係去旅行，不過工作太忙，足足一年冇放過假，冇咩機會可以出國玩！不過上年結婚，可以趁機放假去度蜜月！」

不說不知，原來Patrick的父親曾是消防員，負責駕駛消防車，不過他坦言從未想過當消防員，「因為我畏高」，但他卻投考過督察：「有個uncle係做警察，我覺得佢好威，所以走去報考，係我人生唯一見過嘅工。不過去到最尾嗰關失手，因為三個問我一個，壓力太大！其實都好吖，如果考到，邊個打理屋企生意呀，哈哈！」