SUN世代：教車達人 筆試App創先河

父親創立駕駛學校，使張寶振（Patrick）自小對汽車萌生濃厚興趣。大學畢業後，他甘願放棄當建築師機會，協助打理家族生意，率領業務擴展超過一倍。深明做生意要與時並進的他，更首創全港第一個模擬考車筆試app，令考生可隨時隨地溫習：「希望延續爸爸嘅理念，幫更多學車人士考到車牌，令佢哋可以享受揸車嘅方便同樂趣！」

父親張萃鏗於一九八五年創辦鏗鏘駕駛學校，Patrick在耳濡目染下，兒時已對汽車產生興趣：「細細個已經好鍾意車，之後跟爸爸學揸車，十八歲就考到車牌。」

除了鍾情汽車外，他亦喜愛砌模型，大學時更主修建築，讀書期間已在家族生意幫忙，處理店舖、廣告及行政事務。

務實眼光準 分店倍增

大學畢業後，身為長子的Patrick為了家業，毅然放棄擔任建築師的機會，肩起掌舵人重任：「爸爸教車叻，但唔擅長管理，所以我決定返去幫手打理屋企生意。」作風務實的他，懂得量力而為，看準時勢發展，帶領家族生意逐步邁向成功。他接手經營駕駛學校時只有四間分店，在他努力拓展下，現時已增至九間。

時光飛逝，Patrick加入家業已經逾十六年，並在深水埗的總店留下不少難忘回憶：「呢個舖位以前係間士多，因為喺正運輸署對面，係個龍頭位，全部行家都吼住。當時我日日都專登行去留意住，終於等到佢招頂，我成為咗第一個話要租嘅，遲咗嘅人就算出雙倍價錢都租唔到！

落手教車 做十幾粒鐘　

Patrick續憶述：「之後我喺呢間舖親力親為教駕駛堂，雖然一日做足十幾個鐘，但見到課室坐滿人，就幾辛苦都唔記得晒！」

Patrick認為做生意最重要是與時並進，眼見智能手機大行其道，研發出全港首個模擬考車筆試的手機應用程式，創港先河。有了這個app，考生可以隨時隨地練習筆試題目，大大增加考試合格機會。Patrick矢志秉承父親信念，繼續用心協助學車人士，令他們輕易考獲車牌，享受駕駛的方便與樂趣。

Patrick's Profile

婚姻狀況：已婚

學 歷：理工大學建築管理學系學士

現 職：鏗鏘駕駛學校負責人