政情：梁卓偉玩音樂懶理Call爆官
政府早前宣布削減內地孕婦到公院分娩名額，搞到港人內地妻子亦受影響，中港家庭權益會繼早前多次狙擊食物及衞生局局長周一鑊後，尋日又發起「一人一電話，Call爆高官」大行動，鎖定目標包括煲呔曾、政務司司長唐英年、周一鑊同副手梁卓偉、另外仲有醫管局主席胡定旭及行政總裁梁栢賢。
不過，就快連聽電話都唔得閒嘅副局長梁卓偉就話之你，尋日喺特首辦官方facebook同鋼琴神童沈靖韜暢談音樂人生，甚至拍埋段片同神童韜合奏《牙買加倫巴舞曲》，結果當然畀網民鬧爆。有網民批評：「港府，我真係服咗你，依家風頭火勢，民怨如火山爆發，你仲有閒情搞音樂？」