政情：鄧耀昇圓長者浪漫婚禮夢
婚禮慶典公司為唔少人帶來難忘嘅回憶，「舖王」鄧成波個仔鄧耀昇（Stan）正職就係搞婚禮一條龍服務，最近佢將服務惠及一眾長者，等老人家都可以補番個溫馨浪漫嘅婚禮。
東華三院最近推出一項名為「賀禮．利得．惠東華計劃」，專供老人家使用，Stan覺得有意義，都加入嚟做，利用佢新接手嘅婚禮公司「奇妙姻典」（依家叫拉斐特），喺指定嘅四個婚嫁吉日舉行婚禮，價錢好優惠，每對夫婦只需千五蚊就可獲證婚服務，費用比喺政府婚姻註冊處更經濟更方便！
Stan仲將活動嘅收益全數撥捐東院，令更多人受惠，營商亦可以回饋社會，鄧耀昇都話自己好開心。
