暑假將至，本地兩間大學卻先後傳嚟好消息，嶺南大學五月先獲理文造紙董事總經理李文斌捐出二千七百萬元，浸會大學都冇執輸，日前亦獲李文斌捐出二千五百萬元，浸大校董會主席王英偉及校長陳新滋早前喺李文斌手上接過張大支票，人人都咁開心。
李文斌坐正仁濟醫院主席後，捐款做善事浪接浪，今次捐贈浸大，主要係支持浸會大學創意研究院、香港浸會大學常熟研究院及製藥、化學工業等項目發展。李文斌早前都捐過一千萬元撐殘疾人士，扶助教育外，又關顧社會上有需要人士。
王英偉（右）同陳新滋（左）笑咪咪咁喺李文斌（中）手上接過大支票。
