SUN世代：包紮手指 包出美好姻緣
Alex踏上創業路，全拜與太太的一段情所賜，二人的邂逅經過，也浪漫得像電影情節。Alex回味說：「太太係港龍機艙服務員，一次去上海公幹，上機前嗰朝，同舊同學踢波整傷隻手指，上到機後成隻腫晒，同事笑我，問我敢唔敢叫空姐同我包紮，我就膽粗粗叫個空姐幫我，佢就係我依家嘅太太！」
太太BB將年年收美鑽
原來空姐每次為乘客包紮急救，都需要填寫報告，「佢當時好緊張，但最後都幫我包紮好。」數月後，他再飛往上海，在機上再遇太太，「今次我主動同佢傾偈，原來佢已經唔記得我，但一講番，佢就好記得幫我包紮過，自此之後開始約會，三年後仲結埋婚！」
明年初將榮升父親的Alex，計劃每年都送一顆鑽石給太太和BB，「太太唔係特別喜歡鑽石，但鑽石可以保值，亦係一份心意，所以打算每年都送一粒畀佢哋。」
Alex在北京婚禮展設攤位，與太太拍照留念。