政情：Melanie Z.自爆愛養曱甴
第三代Canon女Melanie Z.尋日為香港時裝節嘅香港設計新力量—「穿梭時．光」，擔任首日時裝騷模特兒。估唔到外表斯文嘅Melanie原來鍾意養曱甴，嗜好認真特別。佢透露以前喺加州讀書時主修昆蟲學，所以對昆蟲好有研究。咁養過咩昆蟲呢？佢語出驚人話：「我養過曱甴同螳螂。我男友雖然好高大威猛，但好驚曱甴。」男朋友有冇叫佢唔好養？佢話：「冇，我仲教佢正確嘅養曱甴方法添！」Melanie仲好開心咁話，將會有機會去熱帶雨林採訪同介紹昆蟲，又話：「我會做一個電視節目，要飛去外地工作，好開心，因為我好鍾意旅行。」
Melanie Z.以前喺加州讀書時主修昆蟲學。