政情：劉燕卿初做「紳士」矇查查

消費者委員會總幹事Connie劉燕卿最近獲政府委任為太平紳士，為女士們爭光。佢尋日喺消委會一個聚會上興高采烈咁同傳媒分享喜悅，仲話當佢媽咪知道佢獲委太平紳士後，第一個反應係話：「乜太平紳士唔係頒畀男人嘅咩？」

Connie話對太平紳士嘅具體工作亦唔太清楚，稍後有個講解會就係介紹點去監倉巡視，佢有興趣之餘亦擔心囚犯唔知有乜申訴。席上有人話佢係消委會總幹事，屆時啲犯人可能會反映監獄裏頭啲煙太貴唔合理，佢反應好快，即時話最好就禁煙啦。

劉燕卿對太平紳士嘅具體工作充滿好奇。