政情：楊華勇送暖輪椅贈腦病童
「百仁基金」副主席Johnny楊華勇早前喺報章得悉身患腦麻痹女童晴晴突然失去父親，遺下佢同母親相依為命，二話不說自掏腰包，訂製一部多功能輪椅送畀佢。
Johnny周一聯同「百仁」會員將輪椅送去紅十字會甘迺迪中心，晴晴睇見，感動到眼濕濕：「新輪椅比我屋企張梳化仲舒服!」Johnny聽見，差啲流下男兒淚。
新式輪椅喺外國度身訂造，由於部分零件並非大量生產，所以等足一年。新椅背部承托力更強，角度可自由調校，讓晴晴坐姿更固定和舒適。晴晴媽咪話有新輪椅幫助，照顧囡囡更輕鬆，放低囡囡外出工作都可以安心啲。
楊華勇（後排右二）同許明明（左一）、廖偉麟（左二）及羅穎怡（右一）齊向晴晴送上新輪椅。 （百仁基金提供）