名媛榮文蔚嘅表妹鄭詩韻同丈夫陳鴻業前晚拍拖出席一個活動，鄭詩韻透露下周三將會為幼子舉行百日宴，到時只會簡簡單單同啲親朋食飯。依家已投入工作嘅佢經常因為公幹常常要到外地，佢話：「好唔捨得啲仔，所以多數都係Day trip。」咁咪冇二人世界囉？佢話：「都係，同老公去行下，都係去下澳門咁，因為怕有乜嘢事都可以即刻返嚟。」被問及會唔會再追個女時，佢話：「呢兩年唔會住，想畀多啲時間兩個仔，等佢哋返學先再考慮。」
鄭詩韻同老公陳鴻業將為幼子搞百日宴慶祝。
