政情：鍾景輝攞國際獎不言休
前晚舉行嘅《2011年萬寶龍國際藝術贊助大獎頒獎典禮》，頒獎禮係喺各國共三十六位候選人中挑選了十二名得獎者，而「戲劇大師」鍾景輝更係香港區得獎者，佢嘅學生同好友包括王仁曼、黃秋生、何偉龍同劉兆銘等親身到賀。
鍾景輝話有志將中國文化融入舞台上，至於依家係咪半退休歎世界，佢話：「唔會歎世界，人活喺世係要做嘢，（永不言休？）我字典唔會有呢個字，我唔認為退休先開心，唔似得啲後生咁要時間休息。」問及養生之道，佢話：「注意飲食，過四十歲後人身體一定有變化，例如發胖等都要留意，我都有跑跑步機，不過唔係跑，只係行快幾步！」
鍾景輝（右）喺舞台藝術方面貢獻良多，攞獎實至名歸。