SUN角度：應增圍欄高度防小童攀爬
噴水池及水池的安全問題多年來未見有改善，註冊專業土木工程師彭振聲提出三招建議，希望能解決問題。首先，已荒廢的噴水池危險性最高，應該拆掉及改建成其他用途：「應該填密個池，改做表演舞台，或者花圃花槽，而做花圃就最好，既美觀，又綠化，依家荒廢咗，外觀都唔好睇！」他續說，就算不改建水池，亦應拆除水池內的噴嘴設施，以免「插傷人」。
欄杆改垂直式設計
其次是提高水池的安全性，如增加圍欄高度至四呎，防止小童攀爬，同時將欄杆由梯級式設計改成垂直式設計，防止小童「拾級而上」。另一方面，要加強保安員巡邏次數，確保沒有人誤進水池，發生意外。
最後要在告示牌中標示水池深度，提高阻嚇作用：「喺個告示牌加埋個水池有幾深，可以有阻嚇作用，細路見到都識驚！家長見到又會告誡小朋友，叫佢哋小心！」