SUN世代：快樂追夢人 腕錶傳真愛

蘇仁桔（Timothy）自小愛上腕錶，夢想是擁有自己的鐘錶品牌。他畢業後即投身鐘錶界，曾出任多個國際名牌的腕錶設計師，但為了追尋理想，他決定放棄高薪厚職，創立鐘錶公司，設計出一系列以「Love」及「Joy」等為主題的手錶，傳遞愛與歡樂，發放正能量！

自小與腕錶墮入愛河，Timothy說：「以前媽媽做鐘錶包裝，我細細個就好鍾意手錶，瞓覺前會拎住隻錶欣賞，又會不停諗究竟隻錶係點樣製造。嗰時嘅夢想係大個可以做鐘錶設計師，擁有自己嘅品牌！」理想清晰，他畢業後投身鐘錶界，曾負責Armani、DKNY及Diesel等國際名牌的手錶設計，更曾出任Adidas手錶的高級設計師，他的代表作之一是糖果系列手錶，色彩繽紛、設計時尚，直至現時仍是該品牌最暢銷的系列。

手錶送歡樂 十個客八個笑

「唔去嘗試，夢想永遠唔會實現！」為了達成理想，Timothy毅然辭去高薪厚職，於○八年底創立自己的腕錶品牌。其設計的手錶，不只擁有漂亮外觀，更蘊藏正面意思。他的首個系列，就以「Love」為主題，他笑着解釋設計理念：「當時社會上有好多負面嘅嘢，經濟好差，我好想透過我設計嘅錶，帶出正面訊息，向社會傳遞愛。」

Timothy的第二個系列，則以「Joy」為主題，錶面上有一個笑臉，十二個數字變成「Joy Around You（快樂在你的左右）」十二個英文字母。他的設計靈感來自一次面試經歷：「有次見工好緊張，去到填表時，見到支筆上面寫住『Happiness Around You』，睇完自己會心微笑，亦放鬆咗！於是就將Happiness改做Joy，融入手錶設計度。」

Timothy於手錶設計界已有逾十二年經驗，最有成功感是看見客人的反應：「十個客人有八個見到手錶上嘅哈哈笑，都笑住話好可愛、好鍾意，我知道自己嘅設計有令人開心嘅效果，真係好有滿足感！」成功圓夢的Timothy，不忘扶助對設計有興趣的雙失青年：「唔係人人都有機會讀到design，嚟緊暑假會籌劃興趣課程，希望可以幫到有理想嘅年輕人，令佢哋都可以發放正能量！」

Timothy's Profile

婚姻狀況：已婚

現  職：Sowork Company創辦人及總裁