政情：韓庚徵靚女省特步招牌
內地體育用品股好興搵明星做代言人，特步都唔例外，最新係搵咗知名藝人韓庚為品牌代言人，為期兩年，尋日已經簽約。韓庚係佢哋咁耐以嚟第四位代言人，「前輩」包括謝霆鋒、蔡依林同潘瑋柏。
韓庚曾經係南韓著名樂隊組合Super Junior中唯一嘅中國成員，呢個組合迷倒唔少亞洲粉絲。韓庚喺內地同東南亞地區擁有極高嘅知名度，攞過好多同音樂有關嘅獎，依家喺網絡上更加係超人氣明星，佢嘅微博已獲約四百五十萬人關注，咁鬼紅，唔怪之得特步請佢做代言人啦。
特步主席丁水波猛讚韓庚年輕有活力，佢透露話韓庚將同特步舉行一連串嘅人氣宣傳活動，打響頭炮嘅係「庚女郎」選舉。「庚女郎」選舉係一個由公眾參與嘅選拔活動，以選秀形式選出嘅優勝者，可以同韓庚合作拍攝特步嘅宣傳海報。
特步首席財務官何睿博（左）與韓庚（右）會面，商討合作大計。