政情：劉美娟歐陽妙芝教湊仔
音樂人張崇德同太太劉美娟、名模歐陽妙芝同囝囝方玉亨，尋日出席「兒童營養診症室」發布會。兩位星級媽媽大談湊仔經，妙芝坦言囝囝同自己一樣唔鍾意食菜，只係鍾意食零食，所以佢聽取營養師嘅意見，均衡飲食，做囝囝嘅好模樣；劉美娟就話會以遊戲的形式，控制小朋友食零食嘅分量。
另外，張崇德透露一對仔女對音樂好有興趣，睇到舞台必定會上台高歌。佢仲話：「我幫佢哋錄咗三首歌，真係可以出CD！」咁會唔會喺演唱會一齊上台演出？佢話：「我怕佢哋驚喎！而且父母一定覺得自己仔女得意，唔知觀眾點諗。我諗諗佢，收集吓意見先！」
歐陽妙芝（右一）帶同囝囝分享湊仔心得，旁為張崇德及太太劉美娟。