疑妻走佬莽漢「騎劫」貨車

【本報訊】荃灣亦發生婚變醉漢「騎劫」貨車驚魂。莽漢疑老婆走佬劈酒解愁，昨晨他帶醉在荃灣街頭截順風車，強登上一輛貨車後，交出財物對司機哀求：「唔好趕我落車，去邊度都冇所謂！」司機恐有危險就範，但行駛二百米後，醉漢突然跳車，又在街上滋擾推着嬰兒車女子，巡警見狀阻止遇反抗受傷，醉漢終被增援警員制服拘捕。

醉漢姓葉（二十八歲），涉嫌襲警及在公眾地方行為不檢兩宗罪被捕。據悉，葉居住荃灣區，近期因夫妻感情生變，妻子更離家出走，葉箍煲無果，借酒澆愁。

跳車騷擾女途人

昨晨十一時許，葉滿身酒氣在關門口街燈位徘徊，突然登上一輛貨車的乘客位，司機大驚恐被挾持，一腳踢葉落車，迅速踩油離去。葉仍未心息，再登上第二輛中型密斗貨車，姓張（三十九歲）司機愕然質問：「老友，我唔識你做乜上我車？」，葉聲稱失戀兼老婆走佬，拿出銀包及手機哀求司機「唔好趕我落車，去邊度都冇所謂！」

司機恐葉身藏武器不敢妄動，無奈開車，沿途一直找尋巡警，行駛二百米至眾安街荃灣城市中心時，葉突然跳車，並趨前騷擾兩名推着嬰兒車的女途人，嚇得她們花容失色呼叫。一名巡邏警員見狀，上前制止葉，期間遇到反抗，向上峰要求增援，葉亦大叫：「拉我啦，好想坐監。」大批警員聞訊趕抵，終將葉制服拘捕，巡警受傷需送院。