政情：蔣麗莉姊憶童年闔家歡
總商會前主席蔣麗莉被裁定串謀詐騙入獄後，蔣家上下都大感心痛。二家姐、全國政協委員阿Ann蔣麗芸日前接受有線電視訪問時憶起同麗莉等眾姊弟妹嘅童年開心往事。
當日阿Ann帶咗主持人陳啟泰回到少女時代成長地美孚新邨，佢憶述：「童年時家境唔係太好，一餐飯只得一碟餸，但我哋仍食得好滋味。」佢又話：「爸爸平日工作好忙，但星期日總會帶一家人去玩，常常畀我哋驚喜，好似去放風箏、游水咁，我哋幾姊妹就開心到一起歡呼！」不過，佢就自責細個好反叛，試過夜晚偷出街去參加派對，要爸爸擔心。
佢仲記得喺加拿大讀大學時，母親病重過身，對佢哋幾姊弟妹造成好大打擊，佢講講吓仲泣不成聲，話媽媽一直為家庭付出，辛苦咗大半生，好遺憾未能讓媽媽享福，所以佢哋幾姊弟妹都遵照媽媽嘅遺願，熱心服務社會。
阿Ann（右）帶陳啟泰重回成長地美孚新邨，憶述童年開心事。 （有線電視提供）