政情：寇鴻萍(目及)實老公防出事
西班牙珠寶品牌ARTE前晚舉行為智行基金籌款的《A Night in Fairy Garden》慈善晚宴，寇鴻萍、梁廷鏘兩公婆偕同女兒唐貝詩、唐貝欣到場。對於老公早前被捲入非禮案並告一段落，問到寇鴻萍係咪雨過天青時，佢話：「不嬲都係天青，之前係唔開心。」咁老公收拾心情未？佢話：「當時當然有困擾，始終冇咁嘅事，都唔會放喺心，冇嘢發生就係冇嘢發生，以後會提醒佢小心啲，佢自己都識得同人保持距離，或者下次佢出去我陪埋佢去，哈！經過呢件事一家人更加Close！」
同場有份獻唱嘅王馨平就話已有十年冇出碟，將於下月推出國語碟，仲話係因為鍾意唱歌為興趣而出碟。咁會唔會復出開個唱？佢話：「冇諗，今次出碟好緊張，因為好耐冇出。」
寇鴻萍（左一）話以後會提醒老公梁廷鏘（右一）小心啲，費事發生誤會。