政情：設計師Cammilli靚畫贈來賓
著名意大利珠寶設計師Annamaria Cammilli早前來港，尋日由Masterpiece by king fook喺四季酒店為佢設午宴，現場除有模特兒示範其最新嘅首飾系列外，佢更即席揮毫大顯身手，即場畫油畫，原因向來佢有個習慣，就係喺設計珠寶之前會先繪畫，而陪同佢來港嘅仲有囡囡Raffaella，操一口流利英語嘅Raffaella充當媽咪的翻譯，佢話：「來香港時正在掛起風球，不過我們也冒着颱風外出幾趟，幸好颱風很快離開，我們真幸運，打算明天到山頂欣賞香港風景。」
此行，佢哋更專程帶來有關森林嘅畫作，送畀現場每一位來賓，仲逐一為來賓簽名，呢幅畫作全球只有一百二十張，非常珍貴。
Annamaria Cammilli（左）專程繪畫送來賓，囡囡在旁充當翻譯。