政情：阿壎封黃嘉純做公職王
剛卸任律師會會長嘅王桂壎最近接二連三獲委任多項公職，包括機場管理局成員、司法人員推薦委員會委員等，變咗新公職王，但佢尋日出席青協同律師會合辦嘅活動時，一聽到新公職王稱號即時耍手擰頭，強調自己只有幾項公職，排隊都未輪到佢喎，跟住仲反指同樣係律師會前會長嘅黃嘉純有嘅公職數目仲多過佢，估唔到佢講到呢個話題會咁緊張。
講開未來兩年多場選舉時，阿壎更加主動爆料，話決定咗唔會參選年底舉行嘅選舉委員會法律界選委選舉。佢解釋，依家距離選委選舉只剩下好短時間，而且佢又有兩個新公職喺身，所以喺權衡輕重下決定唔考慮參選喇！