政情：天道酬勤劉央膺傑出女性
有「中國女巴菲特」之稱嘅西京投資主席Yang劉央獲得《Asian Investor》頒發傑出女性獎項，表揚佢係資產管理界別最具影響力嘅女性之一。Yang尋日喺午宴頒獎禮講到得獎感受，一身夏日清爽打扮嘅佢先係哈哈大笑，然後就親切咁話：「我的人生座右銘就是天道酬勤，做任何事情，只要是認真、努力，這樣上天一定會給你相應的酬勞，因為有付出就一定會有收穫。」
Yang又坦言：「自己沒有做官嘅父母，大學也不是唸哈佛、耶魯、清華，今天我的成就都是靠自己慢慢努力去爭取回來，所以成功方法只有一個，就是努力工作。」Yang嘅公司大部分嘅員工都係女性，對此佢開玩笑咁話：「我的公司名副其實是陰盛陽衰，女權主義當道，如果有男生來應徵工作的話，我一定會問他是否接受得來，若不可以就不要來好了。」
劉央獲頒傑出女性獎項，強調成功原因是做事認真同努力。