四哥晦氣：唔知個仔咁壞囉

【本報訊】鋒芝婚變令到向來愛錫栢芝的謝賢相當無奈，曾經宣稱「最錫栢芝」的四哥昨日接受本報電話訪問時，對於栢芝出招狂轟霆鋒「唔好再喺度扮好男人、好爸爸！」，四哥沒精打采地回應：「係我錯囉！對唔住囉！（栢芝咁樣講霆鋒會唔會好心痛？）我真係唔知我生個仔咁壞囉！（有冇唔開心呀？）唔講嘞！係咁啦！」

婷婷拉姑封口

早前曾往吉隆坡探訪霆鋒的謝婷婷，現正身處加拿大，其經理人表示，婷婷兩星期後才回港，七月中會公開亮相，又指婷婷連日都沒有開電話，一直和她聯絡不上，相信婷婷至今仍然未知兄長這兩天的婚姻事態變化多端。

至於霆鋒媽媽狄波拉的手提電話則繼續轉駁到留言信箱，記者雖已留言，但至截稿前仍未獲回覆。

拉姑丈夫鬍鬚Kong則於昨日下午約三時半獨自乘七人車離開曉盧寓所，前往灣仔稅務大樓辦理私人事務，記者上前追問拉姑是否在家湊兩名孫仔Lucas和Quintus以及對栢芝的言論是否感激氣時，鬍鬚Kong一概不作回答，只說：「我唔回應！」隨即登車離開，驅車到金鐘一間酒店。