SUN角度：免註冊易入行質素參差

本港並無法例規定陪月員必須持有認可證書，亦無註冊制度，不過僱員再培訓局及多個機構，均有開辦陪月員證書課程。僱員再培訓局數字顯示，截至今年首季，全港共有逾二萬二千人考獲陪月員證書。

講求經驗需細心

資深陪月員碧姐曾在循道衛理中心修讀陪月課程，照顧過孖胎和患罕有疾病的嬰兒。她坦言做陪月員是不錯的工作，每天工作八小時，平均月入萬三、四元：「年輕父母唔識湊仔，又有經濟能力，唔介意使呢啲錢。我哋除咗教父母、工人湊BB外，仲要煲谷奶湯水、補品、薑醋畀個媽咪。」碧姐指，當陪月員不需特別技能，故吸引愈來愈多人入行，但質素卻很參差，「做陪月好講求經驗，亦要細心，唔係人人啱做。」

她坦言見過不少內地黑工陪月員，「好多從內地來港產子嘅客人，佢哋留喺香港期間，會請一個香港陪月，另外又請多個內地陪月，呢類客人通常只會留港十幾日，之後內地陪月員就會跟埋佢哋返大陸。」