政情：賭王食天胡大三元勁high
賭王何鴻燊三房女兒何超雲尋日更新微博，上載一幅喺外地外灘拍嘅照片，好寫意。對於早前有報道指三太陳婉珍為斬「雲聰戀」而同超雲爭執，令佢拒回港慶祝父親節，三太助手Sandy否認以上傳聞：「超雲同三太感情好好，佢哋每日都有通電話。超雲唔返香港，因為忙緊寫論文同資料搜集，千祈唔好亂寫。」而何超蓮尋日亦喺微博上載咗同父親打麻雀嘅照片，相中賭王食出天胡兼大三元，難怪滿面歡容。原來呢副天胡係超蓮為哄父親嘅精心傑作，佢話：「和弟弟跟媽媽努力炮製的天胡，原來是很難弄的，不過爸爸真的很開心，值得值得！」
此外，四房女兒何超盈喺微博上載同一位男性友人喺車內嘅合照，但就冇透露現身在何地。