政情：渣打前線iPad搶客
銀行界競爭激烈，經常都要諗新意同新服務吸引客戶。好似針對香港人乜嘢都要快嘅文化，渣打就整咗個「八分鐘服務承諾」。渣打香港個人銀行業務主管Mary禤惠儀話，由客戶踏入渣打香港嘅分行至享用櫃枱服務，力求八分鐘內完成，如果唔達標，就會捐一蚊畀「看得見的希望」慈善基金。
佢哋又借助新科技嚟加快服務速度，年底前全線分行所有前線員工每人手執iPad，配對客戶需要，即係無論喺邊個角落，佢哋都會即時搵到資料畀啲客。Mary仲話依家大約有三成前線員工喺分行都會手執iPad，運用佢哋自家出品嘅iNeeds程式了解客戶需要。
人民幣業務在港熱烘烘，唔知渣打有冇興趣發行人民幣股票，實行雙股雙幣制呢？渣打香港行政總裁洪丕正就話，要內部再作研究咁話。