SUN世代：延續母業執埋教鞭

Thomas的堅毅性格，是由管教嚴厲的父母訓練而來：「爸爸媽媽好嚴，自細對我期望好高，要求考頭三名，所以小學有時都要溫書溫到半夜兩三點o架，哈哈！不過都係全靠父母嚴，先鍛煉到堅持嘅精神！」

Thomas可說是繼承父業，但原來他亦有延續母親的教師職業：「兩年前用公餘時間，喺專業教育學院教高級文憑課程。依家都做緊會計師公會嘅『會計大師』，去中小學教授理財概念。」

與父母關係非常密切的Thomas，現時與父母更是樓上樓下的鄰居，他興奮地說：「結咗婚搬咗出去住，一直都想住近啲爸爸媽媽，但搵唔到地方，點知有一日發現樓上有人放盤，真係好似上天安排咁！」

不說不知，樣子年輕的Thomas亦已為人父，與擔任土木工程師的太太育有一名十個半月大的兒子，他說：「以前成日留喺公司做嘢，依家為咗見仔仔，會拎晒啲嘢返屋企，同仔仔玩到佢瞓咗覺先做嘢！」