SUN世代：會計大忙人為青年夢想領航

「細細個已經決定以會計為終生事業！」父親於三十多年前創立會計師樓，李浩堯（Thomas）自小對會計擁有無限興趣與潛能，大學畢業後投身會計界，至今逾十載，當中曾經歷不少磨練，試過埋首工作兩天沒進食，但他從未想過放棄，更矢志帶領家業邁向下一個三十年！這位忙碌的會計師，更擔任青年組織副主席：「希望可以用我嘅專業知識，協助年輕人向夢想啟航！」

Thomas的父親是名會計師，擁有一所三十四年歷史的會計師行。或許是遺傳了父親的才能，他兒時已嶄露會計天分，更立志要當會計師：「細細個成日去爸爸公司玩，見到好多數字，漸漸萌生興趣，而由細到大數學成績都好好，亦好鍾意留意財經消息。希望第時可以好似爸爸咁，做個會計師。」

最辛苦：沙士兩日冇食嘢

二○○○年，他在英國攻讀完會計及金融學位後，回港即投身會計界，但並非回到家業幫忙，而是任職四大會計師事務所，努力賺取經驗，那五年的日子熬了不少苦，但他沒想過放棄童年理想：「好夜放工或者做通宵都係家常便飯，最辛苦係沙士時，經濟真係好差，人手極度短缺，當時壓力好大，完全冇胃口，試過連續兩日冇食過嘢。不過呢啲都係人生嘅挑戰同磨練！」

艱辛學習的日子為Thomas的事業奠下穩固基礎。六年前，他協助打理父親的會計師行，當中令他獲得最大成功感的，是協助客戶達成夢想的經歷。

最開心：幫客開健身中心

他說：「有個客嘅理想係成立一間健身中心，為咗幫佢，我下咗好多苦功，好畀心機幫佢準備計劃，之後佢成功開到第一間健身中心，生意仲愈做愈好！幫到佢實現夢想，真係好開心！」

Thomas的會計工作忙得不可開交，但他仍抽空擔任油尖旺青年社副主席，致力服務青少年。他正積極參與名為「青年夢想啟航」的計劃，邀請工商界的專業人士擔任青年的導師：「十幾二十歲嘅後生仔係擁有最多能量，我希望搵專業人士同青年建立師友關係，啟發同引導佢哋，令佢哋發揮最大嘅正能量，向住夢想啟航！」

Thomas's Profile

婚姻狀況：已婚，育有一子

學　　歷：Warwick University會計及金融學士、清華大學中國法律第二專業學士

現　　職：李歐會計師行合夥人