同玩具大王蔡志明公子蔡加讚墮入愛河之後，汪圓圓都全力拚搏事業，早前仲以六位數字酬勞接拍一個美肌護膚廣告。圓圓話，自己受水腫困擾，拍攝時要做唔少準備。
臉蛋明顯尖削嘅圓圓話：「我好容易水腫，明明唔係好肥，但係因為水腫同baby fat，所以每次影相都要就角度，或者焗桑拿出一身汗，先至可以去水腫。」咁男友蔡加讚有冇畀啲乜嘢意見呢？佢以甜笑回應：「依家下巴尖晒，連佢都問我係咪瘦咗，點解塊面尖晒。」
汪圓圓戰勝水腫，連男友蔡加讚都以為佢瘦咗。
