政情：周松崗退休後繼續忙

年底就會退休嘅港鐵行政總裁周松崗，近排已經開始構思退休生活，雖然好多打工仔聽到唔使做都會好開心，但做慣大忙人嘅周總卻話，即使退休都冇計劃周遊列國輕鬆吓，因為佢打算留港休息吓，然後開始做其他工作。

為兩公司做非執行工作

原來周總除咗擔任馬會大董外，仲幫緊兩間公司做啲非執行工作，一間係保險公司，另一間係礦業公司。佢話，礦業同社區息息相關，對社會建設尤為重要，但唔好處就係會對環境有影響。唔知佢點樣平衡兩方面嘅利害呢？

「Money18免費即秒股票報價網站」現推出8升級功能，財經資訊，實時實發！

周松崗從港鐵退休後，打算繼續工作。