政情:李小加未諗掂6000蚊點使

政府宣布派發六千蚊安排後,好多人都諗緊點樣用,港交所行政總裁李小加(Charles)尋日笑笑口話,佢早就係香港永久居民,有資格攞六千蚊,仲計劃攞到錢後自己使喎。

Charles祖籍東北,性格好直爽,廣東話雖然唔太流利,但佢話早喺1994年加入美林證券主理大國企上市,2003年做到摩根大通中國區主席,2009年做港交所行政總裁,喺香港工作多年,仲一早攞咗香港永久居民身份證。

城中唔少名人都話會捐六千蚊畀慈善機構,Charles卻反問點解要刻意捐咗佢?政府有政策,作為市民有權利攞,攞到之後會自己花用啦。不過,佢到依家都未諗點樣用。

「Money18免費即秒股票報價網站」現推出8升級功能,財經資訊,實時實發!

港交所行政總裁李小加(Charles)